VIJANA JIJINI ARUSHA WAPEWA SIRI YA MAFANIKIO YAO.

Mkuu wa wilayaya Arusha,Gabriel Fabian Daqarro akizungumza na baadhi ya vijana wa jiji la Arusha wakati akifungua mdahalo wa vijana kwaniaba ya Mkuu wa Mkoa wa Arusha.

Mkuu wa Wilaya ya Arusha,Gabriel Fabian Daqarro amefungua mdahalo wa vijana wa jijini Arusha kwaniaba ya Mkuu wa Mkoa wa Arusha Mrisho Gambo, uliofanyika katika chuo cha ufundi Arusha(ATC),mdahalo ulikuwa na lengo lakutoa elimu kwa vijana juu ya fursa mbalimbali za kiuchumi zilizopo katika Mkoa wa Arusha.

Daqarro aliwahamasisha vijana kujiunga na vikundi mbalimbali vilivyosajiriwa ili waweze kupata mikopo ya serikali itakayowasaida katika shughuli mbalimbali zakuinua uchumi wao badala ya wao kukaa vijiweni nakulalamika hakuna ajira.

“Ni vema vijana mkajiunga kwenye vikundi vya watu 8 hadi 30 na mkavisajiri ili muweze kupata mikopo kutoka serikalini kuliko kukaa vijiweni nakusubiri ajila ziwafuate au kulalamika hakuna ajira”.

lisisitiza kuwa vijana pia watafute fursa kwenye soko la jumuiya ya afrika masharika kwani wakilala wao ndio watageuzwa kuwa soko kwasababu fursa zote zitachukuliwa na wageni.

Pia amewahasa wasipendi urahisi wamaisha kwakutaka mafanikio haraka kwa njia zisizo halali kwani ndio zinawapelekea wajiingize katika biashara harama kama zakuuza na kutumia madawa ya kulevya.

Hata hivyo taasisi mbalimbali nazo ziliweza kuonyesha fursa zilizopo katika taasisi zao ambazo zinawafaa vijana kuwajenga kiuchumi,baadhi yao walikuwa ni Shirika  la maendeleo ya viwanda vidogo (SIDO),Shirikisho la maenyesho ya kilimo(TASO),HAKIKA BANK, Taasisi  yamikopo ya mashine (EFTA),VETA na mashirika yanashughulika na vijana kama DSW, VISION FOR YOUTH (V4Y) na Shirika la kilimo cha mbogamboga,matunda na maua(TAHA).

Akielezea zaidi afisa  maendeleo ya vijana,Japhet Kurwa alisema serikali bado inaendelea kutoa taarifa mbalimbali zinazohusu sera ya vijana kupitia midahalo kama hivyo ili vijana waweze kufahamu fursa zilizopo serikalini na waweze kuzichangamkia.

Hata hivyo aliwataka vijana wao wenyewe wajitaidi kutafuta taarifa sahihi katika ofisi mbalimbali za serikali na hasa ofisi yake iko wazi kwaajili yao hivyo wasijisikie kama wamesahaulika katika jamii bali wao hawatakiwi kulala ila nikukamata kila fursa wanayoiyona mbele yao.

Afisa Maendeleo yaVijana wa Mkoa wa Arusha,Japhet Kurwa akiwakaribisha wajumbe wa mdahalo wa vijana katika ukumbi wa chuo cha ufundi Arusha (ATC).

Baadhi ya watoa mada wakiwa pamoja na mgeni rasmi wa mdahalo wa vijana,Jijini Arusha.

Baadhi ya viongozi wa taasisi mbalimbali zinazojishughulisha na shughuli za vijana na vijana mbalimbali waliohudhulia mdahalo wa vijana.

Mkuu wa wilaya ya Arusha Fabian Daqarro akiwa kwenye picha ya pamoja na wajumbe wa mdahalo wa vijana uliofanyika Jijini Arusha.

Read More

UZINDUZI RASMI WA SIKU YA MAZOEZI MKOANI ARUSHA

Read More

KANDA YA KASKAZINI YAWEKA MALENGO BORA YAKUZUIA VIFO VYA MAMA NAMTOTO

Katibu Tawala wa Mkoa wa Arusha,Richard Kwitega akifungua kikao cha afya  kwa kanda ya Kaskanzini chakujadili jinsi yakupunguza vifo vya mama na mtoto kilichoandaliwa na taasisi ya White Ribbon Allince,Jijini Arusha.

Taasisi ya White Ribbon Allince iliandaa mafunzo hayo kwa kanda ya Kaskazini kwa kushirikisha wataalamu wa afya kutoka mikoa mitatu ya Arusha,Kilimanjaro na Manyara.

Ambapo wataalamu wote kutoka mikao mitatu waliweza kuwasilisha hali halisi ya vifo vya mama na mtoto kwa mikoa yao mitatu.

Aidha baada ya taarifa hizo mjadala ulifuata wakuweka malengo na mikakati zaidi itakayoenda kutekelezwa katika mikoa yote mitatu.

Miongoni mwa mikakati iliyowekwa na mikoa yote mitatu ni ;kuongeza idada ya maafisa maendeleo ya jamii katika ngazi za kata,kuboresha zaidi mazingira ya kazi kwa watumishi wa afya.

Pia viongozi wa hospitali wapewe elimu ya uongozi bora iliwaweze kuwaongoza vizuri waliochini yao,kuongeza vifaa tiba na upatikanaji wa damu salama,watumishi waliopo wafanye kazi kwa bidii na kuongeza wateja wa bima ya afya(CHF/TIKA) kwa kila kata.

Akisisitiza zaidi Katibu Tawala wa Mkoa wa Manyara bwana Eliakimu Maswi amewataka watumishi wote wa afya wabadili mitazamo yao juu yakutoa huduma nzuri kwa wananchi na kuwepo na motisha kwa watumishi wa chini ili kuwapa moyo wakufanya kazi.

Taasisi hii imekuwa ikishirikiana kwa karibu na serikali katika tafiti zake wanazofanya kwa upande wa afya nakushirikisha mawazo yao katika vikao vyao wanavyofanya kwa kila kanda kwa lengo lakuboresha hali ya huduma ya fya katika jamii.

Baadhi ya wajumbe walioshiriki kikao cha afya chakujadili jinsi yakupunguza vifo vya mama na mtoto, Jijini Arusha.

Makatibu Tawala wa mikoa mitatu ya Arusha,Kilimanjaro na Manyara walishiriki pia kikao cha afya chakupinga vifo vya mama na mtoto kwa kanda ya Kaskanzini.

Katibu Tawala wa Mkoa wa Manyara Eliakimu Maswi akifunga kikao cha afya kilichojadili jinsi yakuzuia vifo vya mama na mtoto kwa kanda ya Kanskazini.

Read More