SIKU YA UPANDAJI MITI KIMKOA

Mkuu wa Wilaya ya Karatu Theresia Mahongo akipanda mti kama ishara ya uzinduzi wa siku ya upandaji miti kimkoa,wilayani Monduli.

Halmashauri za mkoa wa Arusha zatakiwa kuhakikisha zinatenga bajeti ya kutosha kusaidia zoezi la upandaji miti.

Yamesemwa hayo na mkuu wa wilaya ya Monduli Theresia Mahongo alipokuwa akisoma hotuba kwa niaba ya mgeni rasmi mkuu wa mkoa wa Arusha.

Amesema halmashauri zote zitenge bajeti ya upandaji miti ya kutosha  ili kuongeza lengo la upandaji miti la mkoa ambalo nikupanda miti  10,500,000 kwa mwaka.

Ambapo kwa mwaka  2014/2015 idadi ya mti milioni 4.9 ndio ilipandwa na iliyopona ni milioni 4.4 sawa na asilimia 90, mwaka 2015/2016 miti iliyopandwa ilikuwa milioni 4 na iliyopona ni milioni 3.4 sawa na asilimia 87 na mwaka 2016/2017 miti iliyopandwa ilikuwa milioni 4 na iliyopona milioni 3 sawa na asilimia 76.

Kwa takwimu hizi inaonyesha dhahili kuwa bado juhudi zinahitajika zaidi katika upandaji miti katika halmashauri zetu ili tuweze kufikia lengo la miti milioni 10 kwa mwaka.

Amesema faida kuwa inapatikana wanapopanda miti katika maeneo yao hasa utunzani wa mazingira na kuzuia mmomonyoka wa ardhi na hata upatikanaji wa mvua unakuwa mzuri.

Amesisitiza zaidi kwa halmashauri ambazo bado zinalegalega katika kupanda miti kama halmashauri ya Longido kuhakikisha inaongeza juhudi za upandaji miti kila mwaka.

Afisa misitu wa Mkoa bwana Julius Nobat Achiula amesema Changamoto kubwa zinazojitokeza katika kufanikisha zoezi hili kila mwaka ni mabadiliko ya tabia nchi yanayoathiri ukuaji wa miti iliyopandwa.

Pia kuna uharibifu unaotokana na wanyama kupita katika maeneo yaliyopandwa miti na mwamko mdogo kutoka kwa wananchi katika upandaji wa miti.

Amesema kutokana na Changamoto hizo tayari mkoa umeshaanza juhudi za kutoa elimu na kuhamasisha juu ya upandaji miti kupitia kamati za mazingira za vijiji na kata.

Halamshauri inayoongoza kwa kufanya vizuri kwenye zoezi hili la upandaji miti kwa mkoa wa Arusha ni halmshauri ya Arusha ambapo kwa mwaka 2016/2017 walifanikiwa kupanda miti milioni 1.1 na halmashauriya Longido ndio iliyofanya vibaya katika zoezi hili kwa kupanda miti 25,810 kwa mwaka 2016/2017.

Maadhimisho ya siku ya upandaji miti kitaifa yamefanyika katika mkoa wa shinyanga na kwa mkoa wa Arusha yamefanyika katika kijiji cha Selela wilayani Monduli.