Ripoti ya Ziara ya Mhe.Mkuu wa Mkoa wa Arusha Wilayani Ngorongoro,

Read More

GAMBO ACHANGIA MABATI 200

Mkuu wa Mkoa wa Arusha, Mrisho Gambo achangia mabati 200 kwaajili ya ujenzi wa chumba cha upasuaji katika kituo cha afya cha kijiji cha Engaresoro.

 Kutokana na changamoto nyingi zinazoikumba  sekta ya afya hususani  kwenye Zahanati na Vituo vya afya mbalimbali hapa nchini ndio vinapelekea kuwa na huduma duni za kiafya.

“Mimi nitachangia mabati 200 kwaajili ya ujenzi wa chumba hicho cha upasuaji na ninaomba wananchi mjitokeze kwa wingi katika ujenzi wa chumba hicho ili tuweze kunusulu maisha ya kinamama na watoto wanaozaliwa”.

Ukosefu wa vitendea kazi,upungufu wa watumishi wa afya na ukosefu wa chumba chakujifungulia ndio changamoto zilizotolewa na wakazi wa kijiji cha Engaresero Wilayani Ngorongoro.

Akitoa malalamiko hayo Bi.Omega Lemra alisema wakinamama wengi wanapata shida sana wanapoenda kujifungua katika kituo cha afya cha Engaresero kwasababu hakuna chumba cha upasuaji kwa wale wamama wanaojifungua kwa upasuaji.

“Tumekuwa tukipata sana shida wakinamama ambao tunaitaji kujifungua kwa upasuaji kwenye kituo chetu cha afya kwasababu hakuna chumba cha upasuaji na hivyo kutulazimu kwenda Wilaya ya karibu ya Karatu ambapo pia kuna umbali”,alisema Omega.

Aidha Gambo amewasisikitiza wananchi wa Engaresero kuchangia  mfuko wa bima ya afya(CHF) ilizipatikane fedha kwaajili yakununua vifaa tiba katika kituo hicho cha afya.

Akifafanua zaidi juu ya upungufu wa watumishi wa afya Mganga Mkuu wa Mkoa,Dokta Frida Mokiti,alisema halmashauri ya Ngorongoro ipeleke maombi ya watumishi wa afya wanaoitajika katika kituo hicho nakuwaweka katika bajeti ili waweze kuajiriwa mapema iwezekanavyo.

Muheshiwa Gambo yupo katika ziara Wilayani  Ngorongoro,ambapo anakutana na wananchi wa vijiji mbalimbali nakusikiliza matatizo huku mangine yakipatiwa ufumbuzi na mengine yakichukuliwa kwaufuatiliaji zaidi.

Baadhi ya wananchi wa kijiji cha Engaresero,wakimsikiliza Mkuu wa Mkoa wa Arusha, Gambo(hayupo pichani), alipokuwa akizungumza nao katika ziara yake kwenye kijiji hicho, Wilayani Ngorongoro.

Read More

WATUMISHI 3 WASIMAMISHWA KAZI

Mkuu wa Mkoa wa Arusha,Mrisho Mashaka Gambo, amewasimamisha kazi watumishi watatu wa Halmashauri ya Wilaya ya Ngorongoro kwa tuhuma za ubadhilifu wa fedha za uchaguzi wa mwaka 2015.

Watumishi hao ni pamoja na Bi. Hadija Mkumbwa ambae alikuwa msimamizi wa uchaguzi wa mwaka 2015 na kumfuta  cheo hicho,bwana Evansi Mwalukasa alikuwa mwekahazina wa halmashauri na  bwana Sembeli Sinayo yeye alikuwa mwanasheria wa halmashauri.

Maamuzi hayo yamefikia baada yakubainika kuna upotevu  wa fedha za uchagu takribani Milioni 188 ambazo matumizi yake hayakuwekwa  wazi na pia Milioni 20 zilitumika kwa manunuzi ambayo hayakufuata taratibu za manunuzi ya serikali.

“Kuanzi sasa nawasimamisha  kazi hawa watumishi watatu kwasababu wameisababishia serikali hasara ya takribani Milioni 128 ambazo zilikuwa fedha za uchaguzi”.

Aidha Muheshimiwa Gambo alisema maamuzi hayo yametokana na taarifa aliyokabidhiwa na kamati aliyoiunda yakuchunguza mapato na matumizi ya fedha za halmashauri hiyo na kubaini upotevu huo wa fedha nyingi ambazo zingeweza kusaidia shughuli mbalimbali za uchaguzi katika Wilaya hiyo.

Ambapo fedha nyingine zimetumika kwenye manunuzi ambayo hayakufuata taratibu na sheria za manunuzi ya serikali ,hivyo ni kinyume kabisa na taratibu za serikali katika maswala ya manunuzi.

Akisisitiza kwa watumishi wa serikali kufuata taratibu, sheria na kanuni mbalimbali katika kutekeleza majukumu yao ili kuepuka migongano na uvunjifu wa sheria mahala pa kazi nakupelekea kupoteza kazi  zao.

Baadhi ya watumishi wa Halmashauri ya Ngorongoro wakimsikiliza Mkuu wa Mkoa (hayupo pichani),alipokuwa akizungumza nao baada yakufanya ziara katika ofisi za halmashauri hiyo, Wilayani Ngorongoro.

Read More