Waziri Mkuu Majaliwa ziarani Loliondo

Waziri Mkuu,Kassim Majaliwa akiwasili wilayani Ngorongoro kuendelea na ziara yake katika Mkoa wa Arusha.

Waziri Mkuu,Kassim Majaliwa akiangalia moja ya bidhaa za kitamaduni zilizotengeneza na wakinama wa Eminyatta,wilayani Ngorongoro.

Kassim Majaliwa akitoka katika moja ya nyumba za tamaduni za Eminyatta,katika kijiji cha Ololosokwani.

Waziri Mkuu Kassim Majaliwa amesema sasa migogoro ya ardhi nchini ifikie mwisho kwa viongozi wote wa Mikoa na Halmashauri kutafutia suluhu yakudumu katika maeneo yao.

Majaliwa ameyasema hayo alipokuwa akimwagiza mkuu wa Mkoa wa Arusha Mrisho Gambo kuitisha kikao maalumu cha utatuzi wa mgogoro wa ardhi uliopo katika kijiji cha Ololosokwani wilayani Ngorongoro kati ya eneo la hifadhi na makazi ya watu ambao umedumu kwa mda mrefu.

“Namuagiza Mkuu wa Mkoa akishirikiana na mkuu wa wilaya ya Ngorongoro pamoja na kamati ya kijiji yakushughulikia migogoro ya ardhi na wawekezaji wakae wajadiliane namna yakupata muafaka wa mgogoro huu’.

Amesema ni vizuri wananchi nao wakashirikishwa pamoja na wawekezaji waliopo katika kijiji hicho ili maamuzi yatakayotolewa yawe shirikishi kwa pande zote.

Hata hivyo amewapongeza wananchi wa Ololosokwani kwakutambua umuhimu wakulinda na kuzithamini hifadhi za taifa na amewaadi kuwa serikali yao ipo pamoja nao katika kuunga mkono utunzaji huo wa hifadhi.

Amesisitiza zaidi kwa wananchi kulinda amani ya nchi yao kwa kuwatambua wageni wote wanaoingia nchini bila kufuata utaratibu kusika na pale wanapowatilia mashaka watoe taarifa katika mamlaka husika na mifugo ya wenyeji ibainishwe haraka dhidi ya wageni.

Akifafanua ziadi Waziri wa maliasili na utalii Jumanne Maghembe amesema nivizuri mifugo yote ya wanakijiji cha Ololosokwan ikatambulika kwa kuwekewa alama ilikusaidia kubaini ile mifugo inayotoka nchi jirani nakuingia kinyemela.

Amesema ongezeko la mifugo hasa yakutoka nje ndio inayosababisha uvamizi wa maeneo ya hifadhi kwasababu wanakuwa wanatafuta maeneo ya malisho.

Nae Mkuu wa Mkoa wa Arusha Mrisho Gambo amesema tayari alishamuagiza mkuu wa wilaya ya Ngorongoro alipokuwa kwenye ziara yake kuunda kamati ndogo itakayofuatilia mgogoro huo na tayari kamati hiyo ilishaanza kazi ikiwa chini ya mkuu wa wilaya hiyo na ikimaliza kazi majibu yatapelekwa kwa wananchi.

Waziri Mkuu,Kassim Majaliwa akizungumza kwenye mkutano wa hadhara na wakazi wa waso,Loliondo.

Waziri  Mkuu Kassim Majaliwa amezipa miezi sita taasisi zisizo za kiserikali(NGO’s) zote za wilayani Ngorongoro kuhakikisha zinabadili mfumo wake wa utendaji kwakufuati usajiri.

Ameyasema hayo alipokuwa akiongea na watumishi wa halmashauri ya Ngorongoro na baadhi ya viongozi wa NGO’s katika ukumbi wa halmashauri.

“Ninawapa miezi sita tu kwa NGO’s zote zilizopo wilayani hapa kuhakikisha zanabadili mfumo wake wa utendaji kwa kufuata shughuli walizosajiriwa nazo”.

Majaliwa amesema NGO’s nyingi hazifuati taratibu za utendaji kulingana na shughuli walizojisajiri, nyingi zimekuwa zikipata fedha kutoka kwa wafadhili na fedha hizo zinafanyiwa matumizi tofauti.

Pia amesema kuna baadhi yake zimefungua akaunti za benki nje ya nchi na fedha zote wanazopata kutoka kwa wafadhili zinawekwa huko wakati huo hazina akaunti yoyote kwa hapa nchini.

Majaliwa amesisitiza kuwa baada ya NGO’s zote kukamilisha zoezi hilo atamtuma mkaguzi mkuu wa hesabu wa serikali kuja wilayani Ngorongoro kukagua matumizi ya fedha zote zilizotumika tokea kila NGO ilipoanzishwa na ikibainika kulikuwa na udanganyifu zitafutiwa usajiri wake mala moja.

Hata hivyo Majaliwa ameshangazwa na wingi wa NGO’s zilizopo wilayani Ngorongoro ambazo ni zaidi ya 30 wakati kuna mikoa mingine inaitaji kuwa nazo lakini hakuna.