MAONYESHO YA NANE NANE 2017.

Katibu Tawala akitoa maelezo juu ya maadhimisho ya siku ya nane nane kwa kanda ya Kaskazini.

Katibu Tawala wa Mkoa wa Arusha,Richard  Kwitega amesema kuwa maonyesho ya wakulima maarufu kama nane nane ambayo yamekuwa yakifanyika katika viwanja wa Themi Njiro yataendelea kuwepo kama kawaida.

Ameyasema hayo baada yakutokea sitofahamu kwa wananchi kutokana na iliyokuwa taasisi yakusimamia maonyesho hayo (TASO) kuzuiliwa kuendelea kuratibu maonyesho hayo.

Aidha, amesema kwa mwaka huu maonyesho hayo yataratibiwa kwa ushirikiano baina ya Wizara ya Kilimo,Mifugo na Uvuvi,Sekretarieti za Mikoa ya Arusha,Kilimanjaro na Manyara pamoja na TASO.

Hata hivyo ofisi ya Mkuu wa Mkoa Arusha ikiwa ndio mwenyeji wa maonyesho hayo ndio imepewa jukumu lakusimamia uwandaaji wa shughuli zote katika viwanja hivyo.

Ametoa wito kwa washiriki wote wa maonyesho hayo kwa mwaka huu  2017 kuanza maandalizi mapema ikiwemo ulipaji wa ada ya ushiriki katika ofisi zilizokuwa za TASO ndani ya viwanja vya nane nane ambapo kwa sasa kuna maafisa walioteuliwa kutoka katika Wizara na Sekretarieti ya Mkoa kutumia ofisi hizo kwa shughuli hizo.

Pia shughuli nyingine za Maandalizi zikiwemo kuwasilisha mahitaji ya idadi ya waoneshaji, Magari, na taarifa nyingine zifanyike katika ofisi za TASO kabla ya Julai 20,2017.

Kwa mwaka huu maonyesho hayo yatabeba kauli mbiu isemayo “Zalisha kwa tija mazao na bidhaa za Kilimo,Mifugo na Uvuvi ili kufikia uchumi wa kati”,ambayo yataanza rasmi Agosti moja,2017 nakumalizika Agosti 10,2017.

Read More

TANGAZO KWA WANANCHI WOTE

Read More

Wadau wa maendeleo ya vijana mkoani Arusha wahaswa kushirikiana na serikali

Baadhi ya wadau wa maendeleo ya vijana waliohudhuria kikoa na serikali ya mkoa wa Arusha, wakisoma taarifa zakutoka serikalini.

Mkuu wa Mkoa wa Arusha Mrisho Gambo,akiwa na baadhi ya viongozi wa taasisi za maendeleo ya vijana, kutoka kulia ni Mkurugenzi kutoka VETA Mr. Mrefu na kushoto ni Vicent Buhega wa Voice of Youth Tanzania.

Taasisi binafsi zinashughulika na maendeleo ya vijana jijini Arusha zimehaswa kuhakikisha zinashirikiana kwa kiasi kikubwa na serikali katika kuweka wazi shughuli zao wanazofanya katika Mkoa wa Arusha.

Yamesemwa hayo na Mkuu wa Mkoa wa Arusha Mrisho Gambo alipokuwa akifungua kikao cha wadau wa maendeleo ya vijana kwa mkoa wa Arusha, kilichofanyika katika ukumbi wa ofisi ya mkoa.

“Nafahamu kuwa taasisi hizi binafsi sio adui wa serikali kilichopo ni kulikuwa na mahusiano ya mbali kati yenu na serikali, serikali ilikuwa haitambui shughuli zenu na nyinyi mlikuwa hamfahamu serikali yenu inaitaji nini”.

Gambo amesisizaidi kwa taasisi hizo kuhakikisha zinafanya kazi ambazo ni hitaji kubwa kwa vijana wetu badala yakutekeleza matakwa ya wafadhiri wao tu.

Amesema lengo kubwa lakukutanisha taasisi hizo na serikali nikufahamiana na pia kuweka mikakati ambayo itaenda sambamba na serikali ya awamu ya tano ambayo inapiga vita madawa ya kulevywa,mimba za utoto na utegemezi.

Hivyo amezitaka taasisi hizo za maendeleo ya vijana kuhakikisha zinatoa elimu yakutosha ya afya ya uzazi kwa vijana,madhara ya madawa ya kulevywa na elimu ya ujasiliamali, ili vijana waweze kujikwamua katika maisha kwakufanya kazi kwa bidii.

Aidha, amezitaka taasisi hizo kuzitambua fursa zilizopo serikalini kama za mikopo kutoka mfuko wa taifa wa maendeleo ya vijana na asilimia 5 ya mapato kutoka katika kila halmashauri ambazo zinapelekwa kwa vijana.

Hivyo taasisi hizo zinatakiwa kuweka utaratibu wakuisaidia serikali katika kuzisimamia fedha hizo ili ziweze kuwanufaisha vijana kwa kiasi kikubwa na wao wakiendelea kuwapa mafunzo zaidi ya ujasiliamali ikiwemo uwandikaji wa miradi mbalimbali.

Kikao hicho kimefanyika kwa mara ya kwanza kwa mkoa wa Arusha kwa lengo lakufufua mahusiano ya karibu baina ya serikali na taasisi zinashughulika na maendeleo ya vijana na moja ya makubalino waliyoafikiana nikuandaa kongamano la vijana kimkoa na kamati mbalimbali zimeundwa zakusimamia muendelezo wa vikao vijavyo.

Read More

Halmashauri za mkoa wa Arusha zahamasishwa kutenga maeneo ya viwanda.

Baadhi ya viongozi kutoka katika halmashauri za mkoa wa Arusha waliohudhulia kikao cha mipango mikakati cha halmashauri.

 

 

Halmashauri zote za Mkoa wa Arusha zimehamasishwa kutenga maeneo maalumu kwaajili ya ujenzi wa viwanda kama maelekezo ya serikali ya awamu ya tano yanavyoelekeza.

Ameyasema hayo Mkuu wa Mkoa wa Arusha,Mrisho Gambo alipokuwa akizungumza na viongozi wa halmashauri zote za mkoa wa Arusha kwa lengo lakuweka mikakati yakiuntendaji hasa kwa mwaka wa fedha unaokuja 2017/2018.

“Nazitaka halmashauri zote zieleze hapa namna zilivyojipanga kwa mwaka wa fedha ujao katika kutekeleza adhima ya serikali ya viwanda,bainisheni maeneo mliyotenga na muelezee hali ya miundo mbinu ya msingi ilivyo,lina ukubwa gani,lina hati au halina hati na niaina gani ya kiwanda mmependekeza.”

Aidha amewata watumishi wote wa serikali kubadilika kwa kuacha kufanya kazi kwa mazoea badala yake kila mtu afanye kazi kwa bidii hasa kwakutekeza malengo ya serikali.

Serikali haitamvumilia mtumishi yoyote ambae atakwamisha malengo ya serikali hivyo hatua zakitumishi zitatumika kwa mtumishi huyo ili kukuza ufanisi sehemu za kazi.

Gambo anaendesha kikao cha siku 3 kwa kupitia mipango mbalimbali yakila halmashauri nakushauri nini kifanyike kwa mwaka wa fedha ujao.

Read More

RC GAMBO AFUNGUA SEMINA ELEKEZI KWA VIONGOZI WA MKOA.

Mkuu wa Mkoa wa Arusha mrisho Gambo pamoja na Mkuu wa Wilaya ya Arusha Gabriel Daqarro wakisiliza mafunzo elekezi ya viongozi wa mkoa wa Arusha.

 

 

 

 

 

Viongozi wa Mkoa wa Arusha wameshauriwa kuwajibika katika majukumu yao huku wakifuata kanuni na sheria mbalimbali za utumishi wa umma ili kuongeza ufanisi katika maeneo yao ya kazi huku wakileta maendeleo kwa mkoa.

Akifungua mafunzo elekezi kwa viongozi hao  Mkuu wa Mkoa wa Arusha Mrisho Gambo amesema viongozi wa mkoa wa Arusha wanatakiwa kuongeze mahusiano katika maeneo yao ya kazi baina yao na watumishi wachini yao.

Amesema lengo kubwa nikuondoa migongano inayojitokeza baina ya viongozi na watumishi hao ambayo inapelekea kudhorotesha utendaji  wa kazi katika maeneo yao na kuongezeka wimbi la uwonevu kwa watumishi wao.

Aidha amewataka viongozi hao wasimamie uwajibikaji wa watumishi katika maeneo ya kazi kwa kufuata taratibu za majukumu yao.

Akisisitiza zaidi kwa kuwataka viongozi kutekeleza maelekezo yanayotolewa na ngazi za juu serikalini kwani mengi yanakuwa ni miongoni mwa shughuli zao za kila siku na hii itaongeza utii kwa viongozi serikalini.

Nae katibu tawala wa mkoa  Richard  Kwitega amesema mafunzo hayo niyakukumbushana majukumu kwa viongozi hao huku wakipitia maeneo mbalimbali ikiwemo wajibu na majukumu ya viongozi,usimamizi wa Rasilimali watu sehemu za kazi napia kupitia kanuni na maadili ya viongozi na utumishi wa umma.

Amesema mafunzo hayo yatakuwa ya siku 2 huku yakishirikisha baadhi ya viongozi kutoka TAMISEMI.

Mkuu  wa Mkoa wa Arusha Mrisho Gambo akiwa na Mkuu wa Wilaya ya Arusha Gabriel Daqarro na Mkuu wa Wilaya ya Monduli Idd Kimanta wakisikiliza mafunzo ya viongozi wa Mkoa wa Arusha yaliyotolewa kwa lengo lakukuza uwelewa.

Baadhi ya viongozi wa Mkoa wa Arusha waliohudhuria mafunzo elekezi kwa viongozi wa mkoa wa Arusha.

Read More

WAZIRI MAJALIWA AKAGUA BARABARA YA TENGERU SAKINA

Waziri Mkuu wa Jamuhuri ya Muungano wa Tanzania Kassim Majaliwa akitoa malekezo kwa viongozi wa mkoa wa Arusha alipokuwa akikagua barabara inayojengwa ya Tengeru  mpaka Sakina, jijini Arusha.

Mhe.Kassim Majaliwa akiwa pamoja na viongozi wa Mkoa wakikagua barabara inayojengwa ya Tengeru mpaka Sakina,Jijini Arusha.

Read More

Tangazo la kuripoti kazini kwa madaktari wote wapya

Read More

Wafanyabiashara Arusha wafarijika na maelekezo ya RC Gambo

Read More

SIKU YA KUDHIBITI UGONJWA WA KIFUA KIKUU.

Waziri wa afya,maendeleo ya jamii,jinsia,wazee na watoto,Ummy Mwalimu akizungumza na waandishi wa habari(hawapo pichani) juu ya maadhimisho ya siku yakudhibiti ugonjwa wa kifua kikuu.

Waziri wa Afya,maendeleo ya jamii,jinsia,wazee na watoo,Ummy Mwalimu amezindua mashine zakisasa (molekyula) zakupima ugonjwa wa kifua kikuu ambazo zitatumika katika hospitali zote za rufaa nchini na ikiwa ni siku yakudhibiti ugonjwa wa kifua kikuu duniani.

Ameyasema hayo alipokuwa akizungumza na waandishi wa habari ofisini kwa mkuu wa mkoa wa Arusha nakusisitiza kuwa mashine hizo  zinauwezo wakupima wagonjwa 12 kwa siku na zinauwezo wakugundua usugu wa dawa aliyonao mgonjwa nakupima virusi vya UKIMWI.

Changamoto kubwa ambayo wizara ilikuwa inapata nikuwagundua wagonjwa wa kifua kikuu mapema nahii imetokana na wagonjwa wengi kuwa na usugu wa dawa walizokuwa wakitumia na hivyo kuwafanya wasipone kwa wakati.

Kwa mujibu wa taarifa ya shirika la afya dunia Tanzania inawagonjwa takribani 1060 wanaougua ugonjwa wa kifua kikuu kila mwaka na asilimia 30 kati ya wagonjwa 100 tu ndio wanaofika katika vituo vyakupatiwa tiba.

Mkoa wa Dar es Salaama ndio unaongoza kuwa na wagonjwa wengi wa kifua kikuu takribani asilimia 22 ikifuatiwa na mikoa ya Mwanza,Mbeya,Morogoro,Shinyanga,Arusha,Mara,Manyara,Tanga na Kilimanjaro ambayo yenyewe inachangia asilimia 63 ya wagonjwa wote kwa wagonjwa waliogundulika mwaka 2015.

Mpaka sasa wizara imenunua mashine 70 ambazo wanatarajia kuzisambaza katika hospitali zote za rufaa za mikoa ikiwa ni awamu ya kwanza na pia wanampango wakuongeza mashine hizo hadi kufikia 150 ili waweze kubaini wagonjwa wengi zaidi na hata wale wenye kifua kikuu sugu.

Amesema kutokana na taarifa ya shirika la afya duniani ya mwaka 2016 Tanzania kila mwaka inashindwa kuwafikia wagonjwa takribani 2400 wenye kifua kikuu sugu na laki moja wenye kifua kikuu.

Hivyo amezitaka halmashauri kuweka mikakati yakubaini wagonjwa wote wa kifua kikuu kwa kuhakikisha kuwa pindi mgonjwa anapoletwa hospitali halmashauri ifikie ile kaya ambayo mgonjwa umetoka ili kuwapima wakazi wote wa kaya hiyo kama kuna ambae ameambukizwa.

Pia amepiga marufuku kwa shule zote za bweni kupokea mwanafunzi yoyote bila kuwa na fomu maalumu yakutoka hospitali inayoonyesha vipimo vya magonjwa mbalimbali ambayo mwanafunzi huyo amepimwa ikiwemo ugonjwa wa kifua kikuu.

Aidha ameagiza wagonjwa wote waliopo kwenye kundi hatarishi hasa wenye virusi vya UKIMWI, watoto walio chini ya amri wa miaka 5,wamama wajawazito,wazee,wafungwa, watumiaji wa madawa ya kulevya,watu wenye kisukari na saratani ni lazima wachunguzwe ugonjwa wa kifua kikuu mara tu wanapofika kwenye vituo vya tiba.

Pia kundi linguine litakalopimwa ugonjwa huu ni wagonjwa wanaofika katika idara za nje,cliniki za watu wenye virusi vya UKIMWI na wagonjwa wote watakaokuwa wamelazwa kwenye hospitali za serikali.

Mkuu wa Mkoa wa Arusha,Mrisho Gambo nae amemwahidi Waziri Ummy kuongeza ushirikiano katika kupambana dhidi ya ugonjwa huu wa kifua kikuu kwa  kushirikiana na wilaya zote  za mkoa kuhakikisha kuwa kila kijiji na mtaa kwenye mikutano yao mikuu ya hadhara watoe elimu ya kutosha na kuhamasisha wananchi wakapime afya zao kwenye vituo vya afya.

Wizara ya afya,maendeleo ya jamii,jinsia,wazee na watoto kila mwaka imekuwa ikiadhimisha siku ya kudhibiti ugonjwa wa kifua kikuu na mwaka huu siku hiyo ameadhimisha rasmi mkoani Arusha.

Read More